<遊樂場休息公告> - 深夜長文
對不起，可可的舊病好不幸地復發了，
可可成世人病得最嚴重的，
就係五年前的大腸憩室炎，果時未開utube
當時我因為右下腹痛第一次入醫院，
左照右照結果得個吉，醫生又唔肯打針開藥，
係醫院住左3日，失眠足3晚，
最後拎左一大堆止痛藥就丟左我出院，
(60幾粒止痛藥見過未?)
然後身體已經虛弱到一個地步，直頭行唔穩，
個世界好似末日一樣，諗起都心酸....
然後我在走投無路之下，睇中醫試下，
經朋友介紹搵左個好勁嘅女中醫，
佢一把脈就估到我問題係條腸，
叫我比錢去照CT, 確認下腹情況，
結果我大腸有凹洞，即係憩室，
飲左三日醫師開的藥粉，個世界終於變返彩色，
身體已經好左八成，真係無搵錯人呀，
結果只睇左一次就有種重生嘅感覺！
果次係我人生第一次睇中醫，感覺好神奇！
五年後，過去的星期一，
可可突然胃好脹，整日完全食唔到野，
想嘔但無野嘔，加上發燒，以為普通腸胃炎，
然後好轉了兩天，人仍然虛，
誰知到星期四早上痛醒，全個下腹都刺痛，
過多幾小時後就消退，轉移至右下腹舊患痛，
有沒有想過，任何動作包括深呼吸，行路
都會令我激痛（但未去到死去活來程度）
企起身，坐低，訓低，笑，咳，轉身都好痛😭
(但完全唔郁係唔痛, 我一郁才會痛, 非常似盲腸炎)
到今天星期五，即刻回去睇中醫訴說慘況，
醫師話我脾胃好差，要我戒口，
仲用紙仔寫個list比我，哈哈～
未食藥已經個心定哂，希望D藥有效，
食左一劑，勁重薑味，好似飲薑茶咁？！
晚上痛感已經減弱了少少～
由於大笑同深呼吸都痛，
待身體狀況好一點再開台吧！對不起
身體健康並非必然，大家都要顧好自己身體呀！
Search